Татарстан җыелма командасы Мәскәүдә «Абилимпикс-2025» чемпионатында катнашачак
30 октябрьдән 2 ноябрьгә кадәр Мәскәүдә инвалидлыгы булган кешеләр арасында “Нет предела – действуй смело” девизы астында "Абилимпикс" һөнәри осталык чемпионаты узачак. Ярышларның төп мәйданы - «Тимирязев Центр» укыту-күргәзмә комплексы, ә тагын ике юнәлеш буенча ярышлар шәһәрнең өстәмә мәйданчыкларында узачак.
Чемпионат чараларында 1000 конкурсант, 250 эксперт һәм 500 ирекле кеше катнашачак. Татарстан Республикасыннан чемпионатта 86 конкурсанттан торган команда булачак. Җыелма составындагы төп компетенцияләрдә 69 катнашучы, МХОда катнашучылар арасыннан 16 финалист, шулай ук Халыкара ачык ярышларда һәм презентация компетенцияләрендә бер вәкил.
Чемпионат «Яшьләр һәм балалар» илкүләм проектының «Профессионалитет» федераль проекты кысаларында уздырыла.