Татарстанда опекуннарга һәм попечительләргә айлык түләү артачак

2025 елның 30 октябре, пәнҗешәмбе

Татарстанда опекуннарга һәм попечительләргә айлык түләү күләме 3 мең сумнан 8641 сумга кадәр артачак. ТР Гаилә кодексында тиешле үзгәрешләрне ТР Дәүләт Советының 15 нче утырышында депутатлар хуплады.

Опекуннарга яисә попечительләргә тиешле түләүнең база күләме 2013 елдан бирле яңадан каралмаган һәм индексацияләнмәгән. «Хәзерге вакытта ул заманча икътисадый шартларга туры килми», - дип ассызыклады Мөҗипов.

Октябрьгә булган мәгълүматларга караганда, Татарстанда 1715 бала тәрбиягә алган гаиләләрдә тәрбияләнә. 2026 елда аларның саны 1,6 мең булыр дип фаразлана.