Казан аграр университеты агротехнологик сыйныф укучылары өчен ишекләрен ача
Көзге каникулның беренче көнендә Чистай Выселкасы мәктәбе һәм Зирекле лицееның 68 укучысы агроһөнәр дөньясы белән танышты. Бу танып белү генә түгел, кызыклы ачышлар һәм тәэсирләр белән тулган күңелле чара да булды.
Экскурсиядә катнашучыларга авыл хуҗалыгының заманча технологияләре белән танышу, университет лабораторияләрендә булу һәм тармакның әйдәп баручы белгечләре белән аралашу өчен уникаль мөмкинлек бирелде. «Яшьләр һәм балалар» илкүләм проекты кысаларында гамәлгә ашырыла торган профориентациянең бердәм моделе ярдәмендә мәктәп укучылары илебез икътисадының аграр секторы белән бәйле һөнәр сайлау перспективалары турында мәгълүмат алды.
Мондый чаралар яшьләргә булачак белгечлекне аңлы рәвештә сайларга ярдәм итә һәм талантлы яшьләрне авыл хуҗалыгы җитештерүе өлкәсенә җәлеп итәргә булыша.