“Шәҗәрәләр - нәсел агачы” төбәкара фәнни-гамәли конференциясендә җиңүчеләр билгеләнде

2025 елның 30 октябре, пәнҗешәмбе

24 октябрьдә Казан шәһәренең Совет районы М.И. Мәхмүтов исемендәге 184 нче гимназиясендә “Шәҗәрәләр - нәсел агачы” төбәкара фәнни-гамәли конференциясенең йомгаклау этабы булды.

Россия Федерациясе һәм Татарстан Республикасының төрле районнарыннан килгән 300 иҗат эше I этапка тәкъдим ителде һәм жюри йомгаклау этабында катнашу өчен 150 укучыны билгеләде.

Конференция кысаларында төрле секцияләр эшләде. Конференциядә катнашучылар һәм кунаклар өчен атаклы каллиграф Нәҗип Нәккашның шамаилләр күргәзмәсе оештырылды.

Конференциядә катнашучыларны милли мәгариф идарәсе җитәкчесе Алсу Шәрипова сәламләде.

Регионара фәнни-гамәли конференциядә җиңүчеләр Татарстан Республикасы Мәгариф һәм фән министрлыгы дипломнары белән бүләкләнделәр.