Татарстан Республикасы Мәгариф һәм фән министрлыгы секторы мөдире Әлфис Хәлиуллин «Татарстанның иң яхшы дәүләт хезмәткәре» конкурсының финалына узды

2025 елның 31 октябре, җомга

27 һәм 28 октябрьдә “Татарстан Республикасының иң яхшы дәүләт хезмәткәре” республика конкурсын оештыру һәм уздыру буенча эксперт комиссиясенең финал утырышлары узды.

2025 елда конкурс 9 нчы тапкыр уздырыла. Анда катнашу өчен бу юлы 33 дәүләт органыннан 71 белгеч гариза биргән.

Беренче этап нәтиҗәләре буенча иң күп балл җыйган 35 катнашучы икенче этапка чыккан. Алар арасында шулай ук Татарстан Республикасы Мәгариф һәм фән министрлыгының җәйге ялын оештыру һәм сәламәтлек саклау технологияләре секторы җитәкчесе Хәлиуллин Альфис Альфредович та бар.

Иң яхшы инициативаларны эшләүчеләр үз номинацияләрендә Татарстан Республикасының иң яхшы дәүләт граждан хезмәткәре исеменә лаек булачак.