Татарстаннан өч команда Екатеринбургта "Роботлар көрәше"ндә көч сынашачак

2025 елның 31 октябре, җомга

Татарстаннан өч команда Екатеринбургта "Роботлар көрәше" аренасына чыгачак. 1 ноябрьдә анда Халыкара чемпионатның дүртенче сайлап алу этабы уза, ул Россия, Беларусь, Һиндстан һәм Кытайдан килгән 28 команданы берләштерәчәк.

Ярышлар ике категориядә узачак - 110 килограммга кадәр авырлыктагы роботлар һәм авырлыгы 1,5 килограммга кадәр булган мини-роботлар арасында. Турнирда Татарстанны өч команда тәкъдим итәчәк: Destructor - target, Destructor - Dabl (икесе дә - «ИТ-парк» тан) һәм “Авыл егетләре” (катнашучыларның шәхси төркеме).

Быелгы чемпионатта барлыгы 112 команда катнаша. Сайлап алу дүрт этапта уза: беренче өчесе инде Пермьдә, Мәскәү һәм Ленинград өлкәләрендә узды. Ярымфиналга бары тик 32 иң көчле команда гына эләгәчәк.