Ихлас бүләк: мамадыш укучылары фронт өчен “Җиңү чәе” җыйдылар

2025 елның 31 октябре, җомга

Каникул вакытында да Мамадыш районының Тәкәнеш мәктәбе яшь волонтерлары игелекле эшләр белән шөгыльләнүдән туктамыйлар. Бүген балалар 60 кап "Җиңү чәе" җыйдылар.

Укучылар шулай ук өлкәннәр җыйган гуманитар ярдәмне төрергә дә булыштылар. «Мы вместе» волонтерлык штабына барлыгы 100 «Коры душ», «Җиңү чәе» һәм 200 пакет киптерелгән алма китерделәр.

Район администрациясе балаларга игелекле эштә катнашулары өчен рәхмәт белдерде: “Яшьләргә ярдәмчел һәм битараф булмаганнары өчен рәхмәт!”