Татарстанның яшь артистлары “Эколят” балалар экология театрлары фестивалендә өченче урынны яулады
29 октябрьдә Әстерхан драма театрының Зур сәхнәсендә Беренче Идел буе балалар экология театрлары фестиваленең гала-концерты булды. Быел фестиваль Әстерхан һәм Әстерхан өлкәсеннән, Татарстан Республикасыннан, Кострома, Ульяновск, Иваново, Мәскәү өлкәләреннән яшь артистларны җыйды. Экология темасына театраль постановкалар конкурсына илнең төрле төбәкләреннән барлыгы 33 спектакль тәкъдим ителде.
Читтән торып үткән этап нәтиҗәләре буенча фестивальдә түбәндәге иҗади коллективлар катнашты:
Казан шәһәренең «Киров районы«Заречье» балаларга өстәмә белем бирү үзәгенең «Звездочки Заречья» театр берләшмәсе «Сказки, навеянные лесом» спектакле белән. Коллектив җитәкчеләре - Федорова Татьяна Викторовна һәм Федорова Наталия Владимировна, өстәмә белем бирү педагоглары;
«Братья по разуму» спектакле белән Казан шәһәре экология-биология үзәгенең «Радуга» экология театры. Җитәкчеләре - Шкуро Андрей Александрович - оештыру-массакүләм бүлеге мөдире һәм Гордеева Ирина Владиславовна -өстәмә белем бирү педагогы.
Татарстан Республикасының иҗат коллективлары өченче урынга лаек булдылар. Җиңүчеләргә бүләкләр һәм призлар, Әстерхан тыюлыгы сувенир продукциясе, "SberBoom Mini" акыллы колонкаларын, шулай ук Фестиваль статуэткасын тапшырдылар.