Түбән Камада мәктәпләр өчен идарә итү командаларын әзерләү программасы старт алды
Татарстан Республикасы Мәгариф һәм фән министрлыгы Түбән Кама шәһәре мәгариф оешмалары җитәкчеләре өчен квалификация күтәрү программасы башлануы турында хәбәр итә. Чара региональ мәгариф системасын үстерү стратегиясе кысаларында уздырыла һәм инновацион үзгәрешләрнең төп ресурсы буларак идарәче командаларның ролен көчәйтүне максат итеп куя.
30 ноябрьдә беренче форсайт-сессия булды, аның барышында катнашучылар - директорлар һәм аларның урынбасарлары - заманча мәктәпкә карата үзгәреп торучы таләпләргә тирән анализ ясадылар.
Уртак эш барышында идарәчеләр заман таләпләренә җавап бирү өчен мәктәпләрне үстерү нигезенә салынырга тиеш яңа мәгънәләр һәм кыйммәтләр формалаштырдылар. Бу белем бирү оешмаларын инновацион үсеш үзәкләренә әверелдерергә сәләтле нәтиҗәле мәктәп командаларын формалаштыруда мөһим адым.