Көзге каникул вакытында Татарстан укучылары эшкуарлык нигезләре буенча семинарларда катнашачак
Киләчәктә эшкуарлык буенча практик турларда "Мәктәп бизнес-старты" масштаблы проектының "Эшлекле уеннар"- беренче этабын уңышлы тәмамлаган 600 укучы катнашачак. Укучыларны бизнес-тренерлар һәм эшкуарлар арасыннан җәлеп ителгән экспертлар заманча эшлекле дөнья белән таныштырачак.
Чаралар көзге каникуллар чорына планлаштырылган. 2025 елның 29 октябреннән 31 октябренә кадәр практик турлар эре шәһәрләрдән 500 укучы өчен узачак, ә 2025 елның 3 ноябреннән 5 ноябренә кадәр ерак районнардан 100 укучы "Идел" Яшьләр үзәгендә җыелачак.
Төрле конференцияләрне һәм эшлекле очрашуларны үз эченә алган практик турлар балаларга эшкуарлык темасы белән тирәнрәк танышырга мөмкинлек бирәчәк. Мастер-классларны бизнес-тренерлар һәм эшчәнлеге югары технологияле тармаклар белән бәйле чакырылган эшмәкәрләр үткәрәчәк.
“Мәктәп бизнес-старты" 2022 елдан бирле уздырыла. Бу вакыт эчендә анда 45 меңнән артык мәктәп укучысы катнашкан.