Казанда туган телләр укытучылары өчен республика семинары узды

2025 елның 1 ноябре, шимбә

29 октябрь көнне Казан шәһәренең «Адымнар - белемнәргә һәм татулыкка юл» полилингваль комплексы базасында туган телләр укытучылары өчен «Мәгариф системасында туган телләрне саклау һәм үстерү: стратегия һәм технологияләр» темасына республика семинары узды, анда 180 кеше катнашты.

Әлеге методик чарада туган (чуваш, удмурт, мари, мордва) тел һәм әдәбияты укытучылары, Татарстан Республикасының милли мәгариф методистлары, Татарстан Республикасының милли-мәдәни автономияләре җитәкчеләре, Казан шәһәренең күпмилләтле якшәмбе мәктәбе, Чувашия, Удмуртия, Марий Эл, Мордовия республикаларының мәгарифне үстерү институтлары вәкилләре катнашты.