Рус теле һәм әдәбияты укытучыларының республика форумы Татарстанның йөзләгән укытучысын җыйды
28 октябрьдә Казанда «Адымнар - белем һәм татулыкка бару» полилингваль комплексында рус теле һәм әдәбияты укытучыларының республика форумы узды. Чара Татарстан Республикасы Министрлар Кабинетының 2020 елның 10 сентябрендәге 821 номерлы карары белән расланган «Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасы кысаларында Татарстан Республикасы Мәгариф һәм фән министрлыгы тарафыннан оештырылды.
Форум эшендә Татарстан Республикасының барлык муниципаль берәмлекләреннән 350дән артык рус теле һәм әдәбияты, туган тел буларак рус теле укытучылары, район методик берләшмәләре җитәкчеләре, район методик хезмәтләре методистлары катнашты.
Катнашучыларны ТР мәгариф һәм фән министры урынбасары Минзәлия Закирова сәламләде. Чара педагог һөнәренең абруен күтәрүгә юнәлтелгән, бу "Яшьләр һәм балалар" илкүләм проекты кысаларында "Педагоглар һәм остазлар" федераль проектының төп бурычларының берсе булып тора.