Мединский тарих буенча дәреслекләрнең яңартылган версиясен әзерләү турында сөйләде
Россиядә тарих буенча бердәм мәктәп дәреслекләренең яңартылган редакциясенә төзәтүләр кертелә һәм эшләп бетереләчәк. Бу хакта РФ Президенты ярдәмчесе Владимир Мединскийның югары уку йортларының тарих факультетлары деканнар һәм кафедралары мөдирләре Бөтенроссия киңәшмәсендә әйткән сүзләрен "РИА Новости" китерә.
Ул билгеләп үткәнчә, хәзерге вакытта 5-11 сыйныфлар өчен дәреслекләрнең бердәм линейкасы кулланыла һәм материал бирү сыйфатын күтәрүгә юнәлдерелгән өстәмә редакция өстендә эш башланган. Мединский сүзләренчә, яңартулар мәктәпләрдә тарихны өйрәнү процессын мавыктыргыч итәргә тиеш.
10-11 сыйныфлар өчен тарих буенча бердәм дәреслекләр Россия мәктәпләрендә 2023 елның 1 сентябреннән кулланыла.
Дәреслекләрнең авторлары РФ Президенты ярдәмчесе, Россия хәрби-тарихи җәмгыяте рәисе Владимир Мединский, МГИМО ректоры Анатолий Торкунов һәм РФА Гомуми тарих институтының фәнни җитәкчесе Александр Чубарьян.