Яр Чаллыда 39 нчы яңа күппрофильле мәктәп ачылды
7 ноябрьдә Яр Чаллы һәм Казан шәһәрләрендә яңа мәктәпләр ачылды. Ике мәктәп тә “Яшьләр һәм балалар” илкүләм проекты буенча төзелгән.
Видеоконференция режимында яңа уку йортларын ТР Рәисе ачты. Рөстәм Миңнеханов билгеләп үткәнчә, бу вакыйгалар республикабызның мәгариф инфраструктурасын үстерү буенча масштаблы эшнең бер өлеше.
Аннары яңа мәктәп директорларына компьютер җиһазлары сатып алуга сертификатлар тапшырылды. 39 нчы күппрофильле мәктәп директоры Наталья Тутова Татарстан Республикасы мәгариф һәм фән министры Илсур Хәдиуллин кулыннан сертификат алды. Ул үсеп килүче буынга булган игътибарлары өчен Татарстан Рәисе, республика хөкүмәте һәм Россия Федерациясе Хөкүмәтенә рәхмәт белдерде.
Татарстан Республикасы мәгариф һәм фән министры Илсур Һадиуллин, мәктәпне караганнан соң, аңа югары бәя бирде: «Без профильле сыйныфны карадык, 9-11 нче сыйныф балалары белән аралаштык, алар ГИА тапшыруга әзерләнәләр. Мәктәп коллективы да тупланган - иҗади, тәҗрибәле укытучылар. Мондый мәктәпләр төзүчеләргә зур рәхмәт! ".