Тулада балалар белән профилактик эш оештыру турында фикер алышалар

2025 елның 11 ноябре, сишәмбе

10-11 ноябрьдә Л.Н. Толстой исемендәге Тула дәүләт педагогика университетында балигъ булмаганнар эшләре һәм аларның хокукларын яклау комиссияләренең эшчәнлеген оештыру мәсьәләләре буенча XII Бөтенроссия киңәшмәсе уза, анда Россиянең 66 төбәгеннән белгечләр катнаша. Татарстанны Татарстан Республикасы мәгариф һәм фән министры урынбасары Алсу Әсәдуллина тәкъдим итә.

Ике көн дәвамында экспертлар балигъ булмаганнар белән индивидуаль профилактик эшне оештыруда заманча алымнар турында фикер алышалар.

Катнашучыларны балигъ булмаганнар эшләре һәм аларның хокукларын яклау комиссияләре эшчәнлегенең актуаль мәсьәләләре буенча фикер алышулар көтә. Иң нәтиҗәле карарлар йомгаклау резолюциясенә кертеләчәк, ул белгечләр өчен ориентир булачак.