"Профессионалитет" амбассадорлары слеты үзенә 500дән артык катнашучыны җыйды
Грозныйда (Чечен Республикасы) "Профессионалитет" амбассадорларының IV Яшьләр слеты үз эшен башлады. Ул көллият һәм техникумнарның 500дән артык студентын, аларның кураторларын һәм Россиянең 81 төбәгеннән яшьләр медиаүзәкләре вәкилләрен берләштерде.
Россия Мәгариф министрлыгының Урта һөнәри белем һәм һөнәри белем бирү өлкәсендә дәүләт сәясәте департаменты директоры урынбасары Лариса Наумова билгеләп үткәнчә, слетта актив, алдынгы яшьләр катнашкан.
Слетта катнашучыларны Чечен Республикасы башлыгы ярдәмчесе, Чечен Республикасының милли сәясәт, тышкы элемтәләр, матбугат һәм мәгълүмат буенча министры Әхмәт Дудаев һәм Чечен дәүләт педагогика университеты ректоры Исмаил Байханов сәламләде.
Слет өч көн дәвам итәчәк һәм 14 ноябрьдә тәмамланачак. Чараны профессиональ белем бирүне үстерү институты оештырды.