Татарстанның яшь уйлап табучылары Мәскәүдә үткән стратегик түгәрәк өстәлдә үз эшләнмәләрен тәкъдим иттеләр
12 ноябрьдә Мәскәүдә милли масштабтагы стратегик чара «Важное для обороны страны глазами детей» дигән түгәрәк өстәл узды. Чара «Мәктәп патенты - киләчәккә адым!» Халыкара балалар конкурсының XVII сезоны кысаларында узды һәм яшь уйлап табучыларны, РФ Оборона министрлыгы вәкилләрен, оборона-сәнәгать комплексы белгечләрен һәм хәрби хезмәт ветераннарын җыйды.
Татарстан Республикасын Советлар Союзы Герое Б.К. Кузнецов исемендәге Казан кадет мәктәп-интернатында тәрбияләнүчеләр тәкъдим итте. Яшь кадетлар Мәскәү, Тольятти, Вологда, Свердловск өлкәсе һәм Россиянең башка төбәкләреннән сәләтле мәктәп укучылары белән беррәттән үзләренең инновацион эшләнмәләрен күрсәттеләр.
Оештыручылар сүзләренчә, түгәрәк өстәлнең төп максатлары оборона өлкәсендә куллану өчен балалар эшләнмәләренең перспективалы булуын бәяләү, хәрби белем һәм сәләтле балалар арасында элемтәләрне ныгыту, шулай ук ОПК һәм Россия Кораллы көчләре өчен кадрлар резервын формалаштыру.