Иннополис университеты илнең медицина, технологик һәм химия югары уку йортлары өчен ЯИ буенча белем бирү модульләрен эшләде

2025 елның 20 ноябре, пәнҗешәмбе

Россия ИТ-югары уку йорты материаллары университетларга ясалма интеллект куллану дисциплинасын тиз арада гамәлгә кертергә һәм икътисад өчен кискен мөһим тармакларда ЯИ-технологияләргә ия булган белгечләр әзерләргә мөмкинлек бирәчәк. Модульләр «Мәгълүматлар икътисады һәм дәүләтнең цифрлы трансформациясе» илкүләм проектының «Ясалма интеллект» федераль проекты кысаларында Иннополис Университетының Өстәмә белем институты һәм Ясалма интеллект институты экспертлары тарафыннан төзелгән.

Һәр белем бирү модуле 144 академик сәгать дәвам итә һәм укытучылар өчен материалларның тулы җыелмасын үз эченә ала: аннотация, эш программасы, бәяләү чаралары фонды һәм гамәли кейслар белән укыту-методик материаллар.