КФУ «Приоритет» кысаларында ярдәм йөзеннән 830 млн сумлык грант алачак
"Приоритет" ның 106 университеты, шул исәптән Татарстанның дүрт югары уку йорты үзләренең үсеш программаларына грантлар алачак.
"Программа кысаларында ярдәмне быел 106 университет алачак. Югары уку йортлары арасында бүленәчәк акчаларның гомуми күләме 26,8 млрд сум тәшкил итәчәк», - диде Россия Мәгариф һәм фән министрлыгы башлыгы Валерий Фальков.
Төп трек университетлары грант күләме буенча өч төркемгә бүленгән. Беренчесендә - 13 вуз, шул исәптән КФУ. Уку йортларының һәркайсы якынча 830 млн сум алачак.
Тагын өч Татарстан югары уку йорты өченче төркемгә керде (аларның һәркайсы 100 млн сумга кадәр грант алачак). Алар арасында - Казан дәүләт медицина университеты, Казан милли тикшеренү технология университеты, А.Н.Туполев исемендәге Казан милли тикшеренү техник университеты - КАИ.