Әлмәттә мәктәпкәчә яшьтәге балалар МХОда катнашучыларга бүләкләр әзерләгәннәр
Әлмәтнең “Русалочка” балалар бакчасында Әниләр көненә багышланган чара узды. Тәрбияләнүчеләр МХО зонасындагы хәрбиләргә җибәреләчәк чәй пакетларын җыю һәм төргәкләү буенча мастер-класста катнашты.
Акцияне Офицер хатыннары һәм хәрби хезмәткәрләрнең гаиләләре берлеге ярдәмендә волонтерлык хәрәкәте штабы оештырган. Волонтерлар һәм ата-аналар җитәкчелегендә балалар шәхси җыелмалар әзерләгәннәр.
Оештыручылар ассызыклаганча, мондый инициативалар ике як өчен мөһим. Хәрби хезмәткәрләр туган якларыннан игътибар һәм ярдәм ала, ә балалар шәфкатьлелек, игелек кыла һәм җаваплылык, Ватанны саклаучыларга ярдәм итүдә үзләренең катнашы барлыгын тоя.
Барлык җыелган җыелмалар якын арада МХО зонасына җибәреләчәк. Татарстан Республикасы Дәүләт Советына юлламасында Рөстәм Миңнеханов махсус хәрби операциядә катнашучыларга ярдәм иткәннәре өчен волонтерларга рәхмәт белдерде.