Декабрьдә мәктәпләрдә тәнәфескә чакырып Чайковский, Вивальди һәм Римский-Корсаков әсәрләре яңгыраячак

2025 елның 1 декабре, дүшәмбе

Декабрьдә "Шалтыратулар урынына көйләр" бөтенроссия проекты кысаларында гадәти мәктәп шалтыратулары Вивальди, Николай Римский-Корсаков һәм Петр Чайковский әсәрләреннән өзекләрне алмаштырачак. Проектны оештыручы - РФ Мәгариф министрлыгы, оператор - "Прогресс" балаларны һәрьяклап үстерү үзәге.

Мәктәптә шалтыратуларны классик әсәрләр белән алыштырачаклар. Декабрь буе "Зима" (Антонио Вивальди), "Пляска скоморохов" (Николай Римский-Корсаков), шулай ук "Евгений Онегин" операсыннан "Вальс" һәм башкалар яңгыраячак.

“Шалтыратулар урынына көйләр” проекты ярдәмендә укучылар музыкаль әсәрләр, шулай ук аларның авторлары белән таныша ала.