«Тәрбиянең яңа фәлсәфәсе» IV Бөтенроссия балалар премиясе җиңүчеләре игълан ителде
«Тәрбиянең яңа фәлсәфәсе» IV Бөтенроссия балалар премиясе җиңүчеләрен бүләкләү тантанасы Мәскәүдә «Россия» үзәгендә шул исемдәге халыкара форумны ачу тантанасы кысаларында узды. Илдә иң яхшы дип танылган балачак навигаторларын Россия Федерациясе Президентының Иҗтимагый проектлар буенча идарәсе башлыгы Сергей Новиков һәм Россия Федерациясе Мәгариф министры Сергей Кравцов котлады.
Быел «Балалар ачышлары навигаторы» номинациясенә 8 300 дән артык гариза кергән. Экспертлар иң яхшы тәрбия эшләре буенча директор киңәшчесе дип Приморье краеннан Инна Веселованы таныдылар. Бүләкне аңа РФ Президентының Иҗтимагый проектлар буенча Идарәсе башлыгы Сергей Новиков тапшырды.
«Һөнәри маршрутлар навигаторы» номинациясендә иң яхшысы дип Түбән Новгород өлкәсенең Шахун көллияте тәрбияләү буенча директор киңәшчесе Полина Лаптева танылды. Аны Россия Мәгариф министрлыгы башлыгы Сергей Кравцов котлады.
Форум кысаларында Сергей Новиков һәм Сергей Кравцов төрле төбәкләрдән мәктәпкәчә белем бирү оешмалары тәрбиячеләре һәм "Россия орбитасы" программасы кураторлары белән очрашу үткәрде. Алар тәрбия эшенең, ата-аналар җәмәгатьчелеге белән багланышларның актуаль мәсьәләләре, шулай ук педагогик хезмәткәрләр өчен чаралар киңәйтү перспективалары турында фикер алыштылар.
Чараны Россия Федерациясе Мәгариф министрлыгы ярдәмендә Россия балалар-яшүсмерләр үзәге оештыра.
Форум 2025 елның 1 декабренә кадәр дәвам итәчәк.