Фән фестивале төбәк өчен кадрларны ничек әзерли
24 ноябрьдән 30 ноябрьгә кадәр Әлмәттә Югары нефть мәктәбе мәйданчыгында дүртенче тапкыр НАУКА 0+ фестивале узды. Быел чара "Нефтяная Вселенная" концепциясендә гамәлгә ашырыла торган "Квантовая нереальность" федераль темасына багышланган иде. Җиде көн эчендә фестивальдә Әлмәт һәм Татарстан Республикасының башка шәһәрләре һәм районнары ннан 4500 дән артык мәктәп укучысы булды.
Фестиваль балалар һәм яшүсмерләр өчен чын фән бәйрәме булды. Һәр көн билгеле бер яшь категориясенә исәпләнгән, кече сыйныфтан алып өлкән сыйныф укучыларына кадәр интерактив программалар белән әзерләнгән.
Фестивальнең төп өлеше 20 тематик локация һәм маршрут булды, алар катнашучыларны югары технологияләр һәм нефть-газ тармагы дөньясына алып керде.
Шулай ук фестиваль кысаларында Югары нефть мәктәбе мәйданчыгында әһәмиятле халыкара вакыйгалар узды. Ачылу көнендә БРИКС яшь галимнәр форумы узды, анда яшь тикшеренүчеләр глобаль кейслар чишелешен тәкъдим иттеләр.