Казанда Россиянең 21 хәрби югары уку йорты катнашында «Есть такая профессия - Родину защищать!» күргәзмәсе ачылачак
5 декабрьдә, Казанда "Россия - Минем тарих" тарихи паркы территориясендә (Оренбург тракты, 8 нче йорт, 1 нче павильон) "Ватан Геройлары көненә" багышланган «Есть такая профессия - Родину защищать!» профориентация чарасын ачу булачак. Күргәзмәне ачу тантанасында ТР Премьер-министры урынбасары Ләйлә Фазлыева һәм ТР мәгариф һәм фән министры Илсур Һадиуллин катнашачак.
Күргәзмәнең максаты - хәрби һөнәрләр белән танышу, хәрби хезмәтне популярлаштыру, хәрби һөнәрләрнең абруен күтәрү, Россия Федерациясе Оборона министрлыгының хәрби югары уку йортларына укырга керү өчен укучыларга хәрби-һөнәри юнәлеш бирү.
Күргәзмә 5-9 декабрь көннәрендә 10.00 - 19.00 сәгатькә кадәр эшләячәк. Күргәзмәгә Татарстан Республикасыннан өлкән сыйныф укучылары, суворовчылар, кадетлар, яшьармиячеләр отрядлары киләчәк. Шулпай ук, балалар һәм аларның ата-аналарын да ял көннәрендә күргәзмәгә килергә чакыралар.