Татарстан галимнәре Россия фәнни фонды грантларын алды
Россия фәнни фонды (РНФ) кече фәнни төркемнәр тарафыннан фундаменталь һәм эзләү тикшеренүләре проектлары конкурсына йомгак ясады. Татарстан галимнәре, 31 проектка ярдәм алып, югары нәтиҗәләр күрсәттеләр.
Грантлар фәнни тикшеренүләр уздыруга 2026-2027 елларда бүленәчәк. Һәр грантның күләме 1,5 миллион сумга җитәчәк. Конкурска барлыгы 5 меңгә якын гариза кергән, шулардан 1154 проект ярдәм алган.
Татарстанда ярдәм алган проектлар саны буенча Казан федераль университеты (КФУ) лидер булды - аның галимнәре 19 грант отты. "Казан фәнни үзәге РАН" федераль тикшеренү үзәге 9 проектка ярдәм алды. Җиңүчеләр арасында шулай ук Казан милли тикшеренү технология университеты, Казан дәүләт архитектура-төзелеш университеты һәм Казан дәүләт энергетика университеты
Хупланган проектларның тематикасы фәнни юнәлешләрнең киң спектрын үз эченә ала: физика һәм химиядән алып биологиягә, медицинага, геологиягә һәм педагогикага кадәр.