Питрәч районында мәктәпкәчә яшьтәге балалар өчен беренче “Яңа ел алды балы” узды

2025 елның 5 декабре, җомга

3 декабрьдә Питрәч районының Көек авылында “Әкият” балалар бакчасы базасында “Яңа ел алды балы” мәктәпкәчә мәгариф оешмаларында тәрбияләнүчеләр өчен беренче муниципаль конкурс узды.

Чарада районның унике балалар бакчасыннан командалар катнашты. Балалар классик парлы биюләр башкардылар: менуэт, вальс һәм полонез.

Конкурс йомгаклары буенча Көек авылының “Әкият” балалар бакчасы тәрбияләнүчесе Самат Шәйхетдинов һәм Яңа Шигали авылының “Ивушка” балалар бакчасыннан Алиса Мөхәммәтҗанова балның патшасы һәм патшабикәсе булдылар.

Кощаково авылының “Теремок” балалар бакчасының бию командасы бәйгедә абсолют җиңүче дип танылды.