2026 елга ТДИ (ОГЭ) һәм БДИ (ЕГЭ) расписаниесе расланды
Россия Мәгариф һәм фән министрлыгының һәм Рособрнадзорның уртак боерыклары белән 2026 елга бердәм дәүләт имтиханы (БДИ) һәм төп дәүләт имтиханы (ОГЭ) расписаниесе расланды. Тиешле документлар норматив хокукый актлар проектлары федераль порталында бастырылган.
РФ Мәгариф министрлыгы, Мәгариф һәм фән өлкәсендә күзәтчелек буенча федераль хезмәтнең 07.11.2025 № 798/1904 боерыгы нигезендә вакытыннан алда БДИ тапшыру көннәре 20 марттан 20 апрельгә кадәр, төп көннәр - 1 июньнән 9 июльгә кадәр, өстәмә көннәр - 4-25 сентябрьдә узачак.
Төп чор расписаниесе:
1 июнь - тарих, әдәбият, химия;
4 июнь - рус теле;
8 июнь - база һәм профильле дәрәҗәләрдәге математика;
11 июнь - җәмгыять белеме, физика;
15 июнь - биология, география, чит телләр (язмача);
18 һәм 19 июньдә - чит телләр (телдән), информатика.
22 июньнән 25 июньгә кадәр барлык фәннәр буенча имтиханнар тапшыруның резерв көннәре, 8 һәм 9 июль - чыгарылыш сыйныф укучысының үзенең сайлавы буенча яңадан БДИның берсен тапшыру көннәре каралган.
РФ Мәгариф министрлыгы, Мәгариф һәм фән өлкәсендә күзәтчелек федераль хезмәте боерыгы нигезендә 07.11.2025 № 799/1905 БДИ үткәрү 9 сыйныфларны тәмамлаучылар өчен өч чорга бүленгән: вакытыннан алда (21 апрельдән 18 майга кадәр), төп (2 июньнән 6 июльгә кадәр) һәм өстәмә көннәр (3-25 сентябрь).
Төп чор расписаниесе:
2 июнь - математика;
6 июнь - информатика һәм чит телләр;
9 июнь - рус теле;
5, 16 һәм 19 июнь - рус теле һәм математикадан кала, барлык предметлар .
29 июньдә математикадан имтихан тапшыру өчен резерв көн, 2 июль - рус теленнән, 3 һәм 6 июль - рус теленнән һәм математикадан кала барлык фәннәр буенча имтихан тапшыру өчен билгеләнгән.