Татарстан командасы республиканы пилотсыз системалар буенча «Яңа биеклек» Бөтенроссия турниры финалында тәкъдим итәчәк
Калугада 10 декабрьдән 12 декабрьгә кадәр һөнәри белем бирү федераль технопаркы базасында "Яңа биеклек" пилотсыз авиация системалары буенча Бөтенроссия турниры финалы узачак.
Турнир ике яшь категориясендә уза: мәктәп (12-14 яшь) һәм студентлар (15-18 яшь). Турнир тугыз номинацияне үз эченә алган.
Ике сайлап алу этабы нәтиҗәләре буенча Татарстан Республикасы командасы составына мәгариф оешмаларыннан 10 укучы керде - Казан шәһәре Совет районының «Лицей - инженерлык үзәге», Казан шәһәре Идел буе районының «6 нчы гимназия» се, Татарстан Республикасы Лаеш муниципаль районының Усады авылында «Сәламәт буын» күппрофильле лицей, «Лаеш техник-икътисад техникумы» һәм «Халыкара компетенцияләр үзәге - Казан мәгълүмати технологияләр һәм элемтә техникумы».
Чара «Пилотсыз авиация системалары» илкүләм проектының «Пилотсыз авиация системалары өчен кадрлар» федераль проекты кысаларында оештырылды.