Чаллы политехника көллияте студентларына фирма махсус киемнәре тапшырылды

2025 елның 12 декабре, җомга

9 декабрьдә Чаллы политехника көллиятендә  студентларга «КАМАЗ» ГАҖнең  брендлы толстовкаларын тапшыру тантанасы узды.

Чара Татарстан Республикасының «Профессионаллар» һөнәри осталык чемпионатының төбәк этабын ачу кысаларында узды (2025-2026 еллар чемпионат циклы).

Автогигант символикасы белән  махсус киемнәрне булачак камазлылар - икенче курс укучылары алды. Шулай ук, бу толстовкалар, Камаз берләшмәсенә карауны символлаштырып, аларның көндәлек укыту гардеробының бер өлеше булачак.