Татарстанда физика һәм математика укытучылары өчен грантлар санын арттырырга ниятлиләр

2025 елның 15 декабре, дүшәмбе

Татарстанда физика, математика һәм информатика укытучыларына ярдәм күрсәтү программасын 2028 елга кадәр озайтырга һәм грант алучылар санын арттырырга планлаштыралар.

Карар проекты нигезендә, физика-математика  укытучылары арасында грантлар алучылар саны хәзерге 100 дән 130 га артачак, ә укытучы - физика-математика түгәрәкләре җитәкчеләре арасында  - 100 дән 200 гә кадәр артачак.

Шул ук вакытта яшь укытучылар арасында ярдәм алучылар саны 150 дән 100 гә кадәр кими. Гомумән, грант алучыларның гомуми саны 350 дән 430 га кадәр артачак.