2026 елда Чаллы педуниверситеты әзерлекнең биш яңа юнәлешен ача
Россия Федерациясе Мәгариф министрлыгы карамагындагы Чаллы дәүләт педагогика университеты (НГПУ) абитуриентлар өчен белем бирү мөмкинлекләрен киңәйтә. 2026 елның кабул итү кампаниясендә югары уку йорты әзерлекнең биш яңа юнәлеше буенча укучылар җыячак.
«Чит тел буларак рус теле» юнәлеше буенча укыту көндезге формада узачак, уку дүрт ел тәшкил итәчәк. Бу юнәлешнең ихтыяҗы педуниверситетның халыкара эшчәнлеге белән бәйле. Россия Мәгариф министрлыгы программасы кысаларында чит илдә рус телен үстерү буенча НГПУ Алжир һәм Туниста үзәкләр ачты.
Югары уку йорты укытучылары, аудиториянең үзенчәлеген исәпкә алып, үзләре төзегән программалар буенча гына укытып калмыйча, гарәп илләре халкы өчен рус телен укытуның методик киңәшләрен һәм этнолингвистик курсын да әзерләгәннәр.
«Табигый-фәнни мәгарифтә методология һәм тәҗрибә» юнәлеше мәктәпләрнең кадрлар соравына җавап бирә, анда бүген биология һәм география укытучылары кирәк. Читтән торып уку 2 ел һәм 5 ай тәшкил итәчәк.
Яңа «Перевод и реферирование в сфере профессиональной коммуникации» юнәлешен НГПУның тарих -филология факультеты базасында ачачаклар. Анда булачак тәрҗемәчеләр 4 ел укый.
«Разработка и управление программным обеспечением» юнәлеше НГПУның Индустриаль-педагогик көллиятендә гамәлгә ашырылачак. 3 ел 10 ай эчендә студентлар IT өлкәсендә эшләү өчен база белемнәрен алачак.