Татарстанда көнчыгыш телләр буенча республика олимпиадаларының йомгаклау этабы тәмамланды
2026 елның 18 - 20 гыйнварында «Дуслык» сәламәтләндерү-белем бирү комплексы базасында Татарстан Республикасы гомуми белем бирү оешмаларының 7-11 сыйныф укучылары өчен көнчыгыш телләре (гарәп һәм төрек) буенча республика олимпиадаларының йомгаклау этабы узды.
Интеллектуаль ярышларда республиканың 10 муниципаль берәмлегеннән 150 дән артык укучы катнашты: Арча, Азнакай, Актаныш, Әлмәт, Бөгелмә, Алабуга, Түбән Кама, Нурлат, Сарман, Ютазы районнары, шулай ук Казан һәм Яр Чаллы шәһәрләреннән.
Анда 40лап укучы катнашкан гарәп теле буенча олимпиадада Әлмәт һәм Түбән Кама муниципаль районнарының белем бирү оешмаларыннан 8 һәм 11 сыйныф укучылары җиңүче булды.
100дән артык укучы катнашкан төрек теле буенча олимпиадада беренче урыннарны Актаныш муниципаль районыннан һәм Казан шәһәреннән 6, 10 һәм 11 сыйныф укучылары алды.