Татарстан Республикасында 170 мәгариф объекты ремонтланачак
Татарстан Республикасында мәгариф өлкәсендә 170 объект ремонтланачак. Объектлар «Гаилә» һәм «Яшьләр һәм балалар» илкүләм проектларына, «Авыл территорияләрен комплекслы үстерү» дәүләт программасына һәм 4 республика программасына керә.
Бу хакта шимбә киңәшмәсендә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте. Киңәшмәне Татарстан Республикасы Рәисе Рөстәм Миңнеханов үткәрде. Чарада Татарстан Республикасы Премьер-министры Алексей Песошин катнашты.
Киңәшмәгә гадәттәгечә республиканың барлык муниципаль районнары да кушылды.
Төзелеш министрлыгы башлыгы хәбәр иткәнчә, капремонт программасына 61 мәктәп һәм 2 балалар йорты кертелгән. Шулай ук 67 азык-төлек блогы, 23 балалар бакчасы, 8 ресурс үзәге, 8 тулай торак төзекләндереләчәк.
Бүгенгә 13 мәктәпкә һәм бер балалар йортына капиталь ремонт эшләре 6%ка үтәлгән.