«Җәлил укулары»: Казанда Муса Җәлил мирасы турында фикер алышачаклар
Татарстан башкаласында 25 февральдән 27 февральгә кадәр татар шагыйренең 120 еллыгына багышланган «Җәлил укулары» бөтенроссия фәнни конференциясе узачак. Анда музей белгечләре, тарихчылар, әдәбиятчылар, фәнни үзәкләр һәм мәгариф учреждениеләре вәкилләре катнашачак. Конференцияне ачу һәм пленар дискуссия 26 февральдә Казан федераль университетының Филология һәм мәдәниятара багланышлар институтында (КФУның ИМК) узачак.
Конференция кысаларында өч секция эшләячәк. Беренчесе КФУның ИФиМК бинасында узачак. Аны шагыйрьнең әдәби мирасына һәм аның мәдәнияткә йогынтысына багышлаячаклар. Икенче секциянең темасы музей эшчәнлеге һәм хәрби һәм героик вакыйгаларны трансляцияләү һәм актуальләштерү проблемасы булачак, аны Муса Җәлилнең Музей-фатирында (Горький ур., 17) оештырачаклар. Өченче секциядә Россиядә эзләү хәрәкәте барлыкка килү һәм үсеше турында фикер алышыначак.
Конференция 10:00 сәгатьтә КФУның ИФиМК актлар залында (Татарстан урамы, 2нче йорт )ачыла.
Чараны Татарстан Республикасы Мәдәният министрлыгы һәм КФУның Филология һәм мәдәниятара багланышлар институты ярдәмендә Татарстан Республикасы Милли музее оештыра.