Йөз балл җыючылар Яр Чаллы дәүләт педагогика университетын сайлый
Яр Чаллы дәүләт педагогика университеты (ЧДПУ) — төбәктә укытучылар, логопедлар, психологлар, мәктәпкәчә белем бирү хезмәткәрләре, шулай ук дизайнерлар һәм IT-белгечләрне әзерләүче бердәнбер классик югары уку йортларының берсе.
Югары уку йортында барлыгы 4 факультет эшли: педагогика һәм психология факультеты; математика, информатика һәм сәнгать факультеты; тарих-филология факультеты; шулай ук табигать белеме, физик культура һәм спорт факультеты.
Бигрәк тә «Логопедия», «Белем бирү психологиясе», «Чит тел һәм икенче чит тел», «Сурдопедагогика» кебек белгечлекләргә сорау бик югары.
БДИдан югары балл алучылар нинди белгечлекләргә дәгъва итә соң ? ЧДПУның кабул итү комиссиясе Яр Чаллы шәһәренең профильле психология-педагогика сыйныфы укучысыннан гариза кабул иткән. Чаллы кызы рус теленнән 100 балл җыйган һәм тарих-филология факультетының «Рус теле һәм әдәбияты» юнәлешенә укырга керү өчен гариза биргән. Абитуриентның Бердәм дәүләт имтиханнарыннан җыйган гомуми баллары 275 тәшкил итә.