Татарстан Калугадагы «Профессионаллар» чемпионаты финалында 11 компетенция тәкъдим итәчәк
21–26 август көннәрендә Калуга өлкәсе башкаласында «Профессионаллар» һөнәри осталык чемпионатының финалы узачак. Чара федераль һөнәри белем бирү технопаркы базасында оештырыла.
Тантаналы ачылу чарасы 21 августта «Центральный» спорт сараенда булачак, ә ярыш программасы 22 августта башлана.
Татарстан Республикасыннан 28 кешелек җыелма команда катнаша. Безнең конкурсантлар төп яшь категориясендә 11 төп юнәлеш буенча медальләр өчен көрәшәчәк.
Ярыш өлешеннән тыш, мәктәп укучылары өчен зур масштаблы һөнәри юнәлеш бирү программасы оештырылачак. Ул әйдәп баручы белгечләрдән мастер-классларны, экспертлар белән очрашуларны һәм яшүсмерләргә киләчәк һөнәрен сайларга ярдәм итүче интерактив сессияләрне үз эченә алачак. Финал кунаклары шулай ук партнер-компанияләр күргәзмәсенә дә бара алачак, анда соңгы сәнәгать эшләнмәләре тәкъдим ителәчәк.