Татарстанда 25 сентябрьдә мәктәпкәчә яшьтәге балаларның әти-әниләрен кабул итү көне узачак

2026 елның 23 сентябре, чәршәмбе

25 сентябрьдә Татарстанда Бөтенроссия мәктәпкәчә яшьтәге балаларның әти-әниләрен кабул итү көне узачак.

«Бердәм Россия» партиясенең Төбәк иҗтимагый кабул итү бүлмәсе базасында кайнар линия 10:00 - 11:00 сәгатьләрдә эшләячәк.

Очрашуның модераторы — Татарстан Республикасы Дәүләт Советы депутаты, ТР Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары Ирина Терентьева.

Әти-әниләр мәктәпкәчә белем бирүнең сыйфаты, балалар бакчаларында туклану, балаларның яңа мохиткә җайлашуы (адаптация), үстерү программалары һәм методикалары турында сораулар бирә алачак.

Сорауларны 8 (843) 590-04-05 телефоны аша бирергә мөмкин.

Шулай ук гаризалар «Макс» мессенджерында 8 (987) 205-00-63 номеры буенча кабул ителә.