Татарстан командалары Сочида узачак Бөтендөнья роботлар олимпиадасында катнаша

Ноябрь аенда Сочида Бөтендөнья роботлар олимпиадасы узачак. Анда Россия этабында җиңү яулаган 6 команданың 3се катнаша.
Олимпиада башлану алдыннан Россия данын яклап катнашучы командаларның җыены уздырылачак. Бөтендөнья роботлар олимпиадасын оештыру комитетын РФ элемтә һәм массакүләм коммуникацияләр министры Николай Никифоров белән РФ мәгариф һәм фән министры Дмитрий Ливанов җитәкләячәкләр.
ТР мәгариф һәм фән министры урынбасары Андрей Поминов билгеләп үткәнчә, Татарстанда соңгы елларда роботлар техникасына аерым игътибар бирелә башлады. “Соңгы 3 елда белем бирү системасында “Дәресләрдән соң мәктәп” проекты тормышка ашырыла. Бу проект өчен бюджеттан якынча 260 миллион сум күләмендә акча бүлеп бирелде. Акчаларның биштән бер өлеш чамасы белем бирү учреждениеләрендә роботлар техникасы мәйданчыкларын булдыруга тотылды”, - диде ул.
Хезерге вакытта Татарстанда шундый 70тән артык мәйданчык бар. Ел ахырына кадәр алар 25кә артачак.