ЯҢАЛЫКЛАР

Татарстанның 15 колледж һәм техникумнарында 2014 елның сентябреннән “Татарстан Респубилкасында электрон мәгариф” мәгълүмати системасында эшли башлады.

9 һәм 10 декабрьдә  Казанда "2014-2015 уку елында урта гомуми һәм төп гомуми белем бирү программалары буенча дәүләт йомгаклау аттестацияләрен үткәрү технологияләрен норматив тәэмин итү һәм камилләштерү" дигән Бөтенроссия киңәшмәсе уздырыла.

Киңәшмәдә Мәгариф һәм фән өлкәсендә күзәтчек федераль хезмәте җитәкчесе Сергей Кравцов, ТР Премьер-министры урынбасары - мәгариф һәм фән министры Энгель Фәттахов, шулай ук Идел буе федераль округы төбәкләренең мәгариф һәм фән министрлары һәм департамент җитәкчеләре катнаша.

Уку-укыту процессында инновацион технологияләрне куллануны яхшырту максатыннан урта һөнәри белем бирүче уку йортларында эшләүче инженер-педагогик кадрлар өчен Республикакүләм видеороликлар конкурсы узды. Жюри әгъзалары игътибарына Арча, Баулы, Лаеш, Нурлат, Апас, Тәтеш, Әтнә, Минзәлә районы һәм Казан, Яр Чаллы, Түбән Кама, Лениногорск, Бөгелмә, Алабуга, Яшел Үзән һәм Әлмәт шәһәрләрендәге 52 белем бирү оешмасыннан 68 видеоматериал тәкъдим ителде. Конкурс 3 номинация буенча үткәрелде: теориягә өйрәтү буенча дәрес видеоролигы; гамәли белем бирүгә өйрәтү дәресе видеоролигы һәм класстан тыш чара видеоролигы.

Киләсе уку елыннан башлап Россия мәктәпләрендә укучыларны информатика һәм тормыш иминлеге дәресләрендә интернетта, аерым алганда социаль челтәрләрдә үз-үзләрен тоту тәртибенә өйкрәтәчәкләр. Моңа кадәр укытучылар әзерлек курслары үтәчәк.

Казанда беренче тапкыр чит ил студенты көне үтте. Бүген Татар дәүләт филармониясендә үткән гала-концертта дөньяның 23 иленнән студентлар катнашты. Фестиваль республика югары уку йортлары арасында сәләтле, прогрессив һәм актив студентларны барлау максатыннан уздырыла.

Бүгенге көндә Татарстанда 3тән 7 яшькә кадәр 2951 бала мәктәпкәчә белем бирү учреждениесенә чиратын көтә. Бүген бу хакта Татарстанда балалар мәктәпкәчә учреждениеләре һәм мәктәпләр төзү һәм реконструкцияләү планнарына багышланган брифингта ТР мәгариф һәм фән министры урынбасары Илдар Мөхәммәтов  хәбәр итте.

2014 елның 30 ноябрендә Санкт-Петербург шәһәрендә информатика һәм программалаштыру буенча XV Бөтенроссия мәктәп укучыларының командалы олимпиадасы финалы үтте. Финал турында Россия, Белоруссия, Латвия, Грузия, Таҗикистан, Казахстан, Төркмәнстан һ.б. илләрдән 217 команда катнашты. Финалга узыр өчен 9 ноябрьдә Казанда үткән ярымфиналда сайлап алуны узарга кирәк иде. Составында Муравьев Кирилл, Лагутин Семен, Круглов Максим булган Н.И. Лобачевский исемендәге лицейның беренче командасы Татарстан Республикасы чемпионы булды.