ЯҢАЛЫКЛАР

Краснодар төбәгендә “XXI гасыр лидеры” Балалар иҗтимагый оешмалары Бөтенроссия конкурсының чираттагы туры үтте. Анда Татарстаннан 5 конкурсант, шул исәптән Чаллыдан “Балачагың инициаторлары” балалар-яшьләр иҗтимагый оешмасы активисты Рауль Тунгусков, катнашты.

2014 елның 25 маенда “IT-Чемпион” Республика конкурсының беренче этабы тәмамланды. 153 җиңүче тантаналы рәвештә ноутбуклар белән бүләкләнәчәк. Бүләкләү тантанасын Республика көнендә - 2014 елның 30 августында үткәрү планлаштырыла.

2014 елның 23-24 маенда Яр Чаллы шәһәрендә Л.Б.Васильев ис. Кама политехника көллияте базасында “Станокчы” белгечлеге буенча Бөтенроссия һөнәри осталык олимпиадасының йомгаклау этабы узды. Олимпиадада Россия Федерациясенең 21 субъектыннан килгән региональ этапларда җиңүчеләр катнашты. Профильле көллиятләрнең II курс студентлары теоретик һәм практик биремнәрне үтәргә тиеш иде.

Бүген Азнакай гомумбелем бирү мәктәпләренең унынчы сыйныф укучылары биш көнлек хәрби хәзерлек курсларына китте. Хәрби өйрәнүләрне алар Чемодур авылы биләмәсендә Алферовка авылы янәшәсендә палаткалы шәһәрчектә үтә.

Казанда 15 балалар бакчасында балалар өчен өстәмә урыннар булдырылган. Булган мәйданнарны рациональрәк файдалану һәм үткәрелгән төзекләндерүләр нәтиҗәсендә мәйтәпкәчә тәрбия йортлары хәзер 300 нәнигә күбрәк кабул итә ала.

Кайбыч районының Мөрәле төп мәктәбендә “Соңгы кыңгырау” бәйрәме район башлыгы Альберт Рәхмәтуллин катнашында узды. Әлеге мәктәптә алты укучы тугызынчы классны тәмамлый, ике укучы беренче класска керергә җыена.

Яшермим: моңарчы кадетлар мәктәбе дигәннәренә бераз шикләнеп, нинди файдасы бар инде аның, дип сагаеп карый идем. Һәр нәрсәне шик иләгеннән үткәр, дип Маркс бабабыз өйрәтеп калдырды бит. 24 май көнне Актаныш районының Кәзкәй авылындагы Советлар Союзы Герое Хәсән Заманов исемен йөртүче кадет интернат-мәктәбенең “Соңгы кыңгырау” бәйрәмендә катнашкач, фикерем үзгәрде.

Бүген Казанның Г.Ибраһимов исемендәге 17 нче татар гимназиясендә 42 укучы рус әдәбияты буенча һәм 11 кеше география буенча БДИ бирә. Бу хакта, Казан журналистларына, мәгариф учреждениесендә булганнан соң билгеле булды. Рус әдәбияты имтиханы бару вакыты 3 сәгать 55 минут тәшкил итә, ә география буенча – 3 сәгать.

2014 елның 24 маеннан 25 маена кадәр “Казан ярминкәсе” күргәзмә үзәге мәйданында Техник иҗатны үстерү һәм ярдәм итү буенча муниципаль берәмлекләре I республика фестивале үтте.
Фестиваль төрле техник юнәлештәге күргәзмәләр, шулай ук мәктәп укучылары һәм яшьләрнең инженерларча һәм иҗади конструкторларча фикерләвен үстерүгә, укучыларда фәнни-техник иҗатка кызыксыну уятуга юнәлдерелгән конкурс чараларыннан торды.

Быел Әгерҗе районында укучыларның җәйге ялын оештыруга республика казнасыннан 7,3 миллион сум акча бирелә. 21 лагерьда 1 мең бала ял итәчәк. Мәктәп яны лагерьларына юллама 2,7 мең сум тора. Ә ата-ана аның 415 сумын гына түләячәк. Биредә балаларны өч тапкыр ашату каралган. “Алмалы“ лагеренда 2 сменада 180 баланы күңелле, файдалы ял көтә: биредә 50 яшь хоккейчы өчен дә махсус 2 смена оештырыла.