Әлмәттә «Экомәктәпләр/Яшел флаг» халыкара программасы кысаларында VIII Бөтенроссия экологик тәрбия идеяләре фестивале
Экофестиваль «Экомәктәпләр/Яшел флаг» халыкара программасын тормышка ашыру кысаларында узды. Әлеге чараның төп максаты – балаларга экологик тәрбия бирү юнәлешендә тупланган тәҗрибә белән уртаклашу, экологик культураны үстерү һәм аны халык арасында киңрәк җәелдерү.
Фестивальдә «Экомәктәпләр/Яшел флаг» халыкара программасының Россия буенча координаторы О. Мадисон, Санкт-Петербургның Красносельский районы методисты С. Марчук, Санкт-Петербург, Киров, Иркутск, Казан, Яшел Үзән, Бөгелмә, Әлмәт шәһәрләренең мәктәпкәчә тәрбия һәм белем бирү оешмаларыннан вәкилләр катнашты.
Фестиваль кунаклары Әлмәтнең мәктәпкәчә тәрбия һәм белем бирү оешмаларында, шулай ук «Татнефть-мәктәп» гомуми белем бирү оешмасында да булып, аларның эш тәҗрибәләре белән таныштылар.