Түбән Кама агросәнәгать комплексында “Автомобиль транспортын ремонтлау һәм техник хезмәт күрсәтү” дигән компетенция буенча күрсәтмә имтихан үткәрелде

2018 елның 28 мае, дүшәмбе

Күрсәтмә имтихан урта һөнәри белем бирү программаларын үзләштерү нәтиҗәләренең WorldSkills һәм федераль дәүләт белем бирү стандартлары таләпләренә туры килүен билгеләү максатыннан үткәрелде. Күрсәтмә имтиханда Татарстан Республикасының 8 һөнәри белем бирү оешмасыннан 111 чыгарылыш курс студенты катнашты.

Имтиханда катнашучылар 5 һөнәри модуль буенча биремнәр үтәде. Имтихан тотучыларның эшенең барышын бәйсез экспертлар күзәтеп торды. Һәрбер эш мәйданыннан YouTub каналында турыдан-туры онлайн-тапшыру алып барылды.