Мамадыш районында якшәмбе мәктәпләре балалары өчен «Дуслык» профиль сменасы уза

2018 елның 29 мае, сишәмбе

26нчы майда Татарстан Республикасы Мамадыш районының «Кама» балаларны сәламәтләндерү лагере базасында, якшәмбе мәктәпләре укучылары өчен «Дуслык» республика профильле сменасы ачылды.

Профильле смена ачылу тантанасында Мамадыш районы Башкарма комитеты җитәкчесенең социаль мәсьәләләр буенча урынбасары Вадим Никитин, Татарстан Республикасы Мәгариф һәм фән министрлыгының милли мәгариф бүлеге башлыгы  Илгиз Халиков, Мамадыш районы Башкарма комитетының яшьләр эшләре һәм спорт бүлеге җитәкчесе Таһир Галимханов катнашты.