Рәфис Борһанов “Яшь техник” профиль сменасының ачылу тантанасында катнашты
Профиль сменасы «Костер» республика балаларны сәламәтләндерү-белем бирү үзәгендә уза. Ачылу тантанасы башланганчы Рәфис Борһанов лагерьның торак корпусларын карады, әйдаманнар һәм балалар белән аралашты. Лагерь территориясе белән танышу барышында министр балаларның җәйге ялын оештыруда хәвеф-хәтәрсезлек, имиинлек һәм сыйфатлы ризык белән тәэмин итүнең иң мөһим мәсьәләләр булуын ассызыклады.
“Яшь техник” профиль сменасында 250 кеше катнаша. Алар арасында техник юнәлештәге республикакүләм бәйгеләрнең 9 яшьтән 17 яшькә кадәр булган җиңүчеләре, призерлары, катнашучылары бар.
18 көн дәвамында алар авиа-, авто-, ракето-, судомодельләштерү, медиаиҗат, робот техникасы, JuniorSkills юнәлешләре буенча техник мастер-классларда катнашачаклар.
ТР Мәгариф һәм фән министрлыгы 105 041 баланың җәйге ялын җайга салачак. Бу уңайдан Татарстан Республикасы бюджетыннан 90 882 мең сум акча бүлеп бирелгән.