Ата-аналар өчен интернет-җыелышта балаларның җәйге ялы турында фикер алыштылар

2018 елның 8 июне, җомга

Республикакүләм интернет-җыелышны ТР Премьер-министр урынбасары – мәгариф һәм фән министры Рәфис Борһанов алып барды.

Агымдагы елда лагерьларда 220 меңгә якын яшь татарстанлы ял итәчәк. Ата-аналар җыелышы кысаларында ТР Эчке эшләр министрлыгы, ЮХИДИ, Гадәттән тыш хәлләр министрлыгы вәкилләре, лагерьларның җитәкчеләре чыгыш ясадылар. Алар үз чыгышларында ата-аналарга һәм педагогларга аеруча игътибарлы булырга кирәкле мөһим мәсьәләләрне исләренә төшерделәр. Рәфис Борһанов та үз чиратында балаларның иминлеген саклауның  иң мөһим мәсьәлә булуын ассызыклады.