ТР Мәгариф һәм фән министрлыгы системасы хезмәткәрләре өчен «Роналд Макдонолд йорты» семинар узды

2018 елның 28 сентябре, җомга

«Роналд Макдонолд йорты» Хәйрия фондының төбәк физик культура-сәламәтләндерү программасы хезмәткәрләре Илья Бурый и Светлана Ростикова Казанда  БРКХ территориясендә урнашкан  «Роналд Макдонолд йорты» гаилә кунакханәсендә ТР Мәгариф һәм фән министрлыгы системасының 21 белгече өчен 3 төрле тема буенча семинар уздырды.

Семинарның теория өлешендә түбәндәге юнәлешләр каралды:

• сәламәтлеге чикле булган балалар өчен адаптив физик культура шөгыльләрендә спорт инвентарьларын куркынычсыз куллану мәсьәләләре;
• сәламәтлеге чикле булган балаларда игътибарлылыкны һәм коммуникатив күнекмәләрне үстерү үзенчәлекләре;
• интеллектында кимчелекләр булган балалар белән адаптив физик культура шөгыльләрен уздыру буенча методик күрсәтмәләр.

Семинарның гамәли өлешендә белгечләр гимнастик боҗралар, туплар, обруч, фитбол тубы белән күнегүләр ясадылар, сәламәтлеге чикле булган балалар белән эшләү өчен хәрәкәтле уеннар өйрәнделәр.

Семинарда катнашучылар материалның аңлаешлы һәм файдалы, уеннарның балаларга да кызыклы булуын билгеләп үттеләр.