Түбән Кама мәктәп-интернатында тәрбияләнүчеләр Бөтенроссия ишарә белән җырлау фестиваленең дуэт номинациясендә абсолют җиңүче булдылар

2018 елның 15 октябре, дүшәмбе

I Бөтенроссия ишарә белән җырлау фестивале МДПУ базасында агымдагы елның 8 – 14нче октябрендә узды.

I Бөтенроссия ишарә белән җырлау фестивале ишетү сәләте начар булган, әмма җырларга яратучы балалар өчен үткәрелә. Фестивальнең максатларының тагын берсе – ишетү сәләте начар булганнар җәмгыятенең мәдәниятенә  җәмәгатьчелекнең игътибарын юнәлдерү.

Финал бәйгесе нәтиҗәләре буенча, Түбән Кама мәктәп-интернатында тәрбияләнүчеләр Никита Исаев һәм Виктория Фоменко педагоглары Добротворская Алла Сергеевна җитәкчелегендә дуэт номинациясендә абсолют җиңүче булдылар (14 – 18 яшь).