Рафис Борһанов капиталь ремонттан соң Тукай районы Иштирәк авылында мәктәп ачты

2018 елның 21 ноябре, чәршәмбе

19нчы ноябрьдә ТР вице-премьеры – мәгариф һәм фән министры Рафис Борһанов Тукай районы Иштирәк авылында капиталь ремонттан соң урта мәктәпне ачу тантанасында катнашты. 34 ел тулган бинада  балалар бакчасы һәм шулай ук фельдшер-акушерлык пункты урнашкан.

Ике катлы объект тулысынча реконструкцияләнде. Эшләрнең смета бәясе 38 миллион сумнан артык. Учреждениедә яңа пластик пыяла пакетлар урнаштырылган, яктырткычлы матур фасад ясалган, территорияне төзекләндергәннәр, кухня җиһазлары, җиһазлар һәм инвентарь алганнар.