Казанда ятим балаларның иҗади үсеше өчен яңа киңлек ачылды

2018 елның 21 декабре, җомга

18нче декабрьдә Казанда «Дуслык» девиант тәртипле балалар һәм яшүсмерләр өчен социаль-тернәкләндерү үзәгендә ятим балаларны иҗади үстерү һәм тернәкләндерү өчен уникаль киңлек ачылды. Иҗат классы “Мәдәният белән яшим " хәйрия проекты кысаларында ачылды.

Хәйриянең максаты – балаларны һәм яшүсмерләрне сәнгатькә, иҗатка җәлеп итү, аларда креативлыкны үстерү, иҗади потенциалларын ачу, начар күренешләрне җиңеп чыгарга омтылыш уяту, гадәти яшьтәшләр мохитен интеграцияләү, төрле яктан алга киткән шәхес тәрбияләү.