Рафис Борһанов Мәскәүдә халыкара конференциядә катнаша
5нче февральдә Мәскәү шәһәре Хакимиятендә Россия Федерациясенең Мәгариф һәм фән өлкәсендә күзәтчелек буенча федераль хезмәте һәм Мәскәү шәһәре Хакимияте тарафыннан оештырылган өченче халыкара конференция уза.
Чара белем бирү сыйфатын бәяләү идарәсе системасын үстерүгә, укучыларның функциональ грамоталылыгын һәм киләчәк компетенцияләрен диагностикалауга якын килүләренә, шулай ук белем бирү сыйфатын бәяләү мониторингы һәм идарә механизмнарын камилләштерүгә багышланган.
Конференция эшендә РФ Хөкүмәте Рәисе урынбасары Татьяна Голикова, РФ мәгариф министры Ольга Васильева, РФ фән һәм югары белем министры Михаил Котюков, Мәгариф һәм фән өлкәсендә күзәтчелек буенча федераль хезмәте җитәкчесе Сергей Кравцов, Мәгариф, икътисадый хезмәттәшлек һәм үсеш күнекмәсе департаменты директоры Андреас Шляйхер, Мәскәү шәһәре Мәгариф департаменты җитәкчесе Исаак Калина, мәгариф сыйфаты буенча халыкара чагыштырма тикшеренүләр координаторлары, Мәгариф өлкәсендә Россия һәм чит ил экспертлары катнаша.